Qendra Tregtare “UNIVERS” ndodhet 6 km larg qendrës së qytetit në autostradën Tiranë-Durrës në një nga zonat më të zhvilluara industriale. Më shumë se 50% e bizneseve të të gjithë vendit janë të vendosur në këtë zonë ku rrugë të rëndësishme nga veriu në jug dhe nga lindja në perëndim kryqëzohen me autostradën. Në perëndim 20 km larg qendrës, në Durrës ndodhet porti më i madh i vendit, ku përpunohen rreth 85% të importeve dhe eksporteve të përgjithshme shqiptare, dhe 12 km larg ndodhet aeroporti i Rinasit. Këto të dyja përbëjnë lidhjet kryesore të vendit me botën.